យុវជន ស.ស.ខ មានគោលបំណងក្នុងការពង្រឹងសមត្ថភាពបំណិនទន់, ជំនាញបច្ចេកទេស និងបច្ចេកវិទ្យាដល់យុវជនស្ម័គ្រចិត្តទាំងយុវជនក្នុងសាលា និងយុវជនក្រៅសាលាតាមរយៈការរៀនតាក់តែង និងអនុវត្តគម្រោងសម្រាប់ជួយដល់ការអភិវឌ្ឈសហគមន៍។ ដើម្បីសហគមន៍ ស.ស.ខ មានគោលបំណងក្នុងការចូលរួមដល់ការអភិវឌ្ឍក្នុងសហគមន៍, ការលើកកម្ពស់ការយល់ដឹង និងការគាំទ្រពីសហគមន៍ ស្ថាប័នពាក់ព័ន្ធ និងដៃគូអភិវឌ្ឍន៍, និងលើកកម្ពស់ការយល់ដឹងអំពីផលប្រយោជន៍នៃការងារស្ម័គ្រចិត្តរបស់យុវជន និងដើម្បីស្ថាប័នគឺ ស.ស.ខ មានគោលបំណងក្នុងការពង្រឹងសមត្ថភាពរបស់នាយកដ្ឋានគ្រប់គ្រងមជ្ឍមណ្ឌល និងមន្ទីរអប់រំ យុវជន និងកីឡា ដើម្បីបង្កើនប្រព័ន្ធការងារមួយដែលមានលក្ខណៈស្តង់ដារ និងទំនើបនិយម តាមរយៈការប្រើប្រាស់បច្ចេកវិទ្យាព័ត៌មាន ក្នុងគោលបំណងផ្ដល់ការគាំទ្រ និងសម្របសម្រួលដល់ការងារស្ម័គ្រចិត្តក្នុងចំណោមយុវជនឱ្យកាន់តែមានប្រសិទ្ធភាព។